Fréttir

Bitist er um hlutabréf í óvenjulega bandarísku fyrirtæki sem tveir stúdentar við Princeton háskóla í Bandaríkjunum stofnuðu. Þeir Tom Szaky og Jon Beyer stofnuðu fyrirtækið TerraCycle (www.terracycle.net) um rekstur ormabúgarðs. Þeir fóðruðu orma á úrgangi úr mötuneyti háskólans og settu síðan « ormakúk » á flöskur og seldu dýrum dómum sem fyrsta flokks áburð. Garðyrkjumenn telja áburðinn ekki aðeins fyrsta flokks heldur líka blesssunarlega laus við ýmis efnasambönd sem geta skaðað börn og gæludýr.
Szayk og Beyer urðu moldríkir á þessu uppátæki og ákváðu að þróa fleiri framleiðsluvörur sem allar eiga sammerkt að vera í senn arðbærar og vistvænar.
Þeir hafa náð að framleiða vörur sem búnar eru til úr endurunnu rusli ; allt frá hreinlætisvörum til bakpoka.