Jarðhitasv. n. Mývatns - Bjarnarflag
Bjarnarflag er vestan Námafjalls og sunnan Námaskarðs, en jarðhitasvæðið nær til mun stærra svæðis vestan undir Námafjalli. Þar var reist fyrsta stóra jarðgufuvirkjunin hérlendis (1969, 3 MW) og þar var aflað gufu fyrir kísilgúrverksmiðjuna, sem þar var rekin um áratugaskeið. Áætlanir eru um stóraukna rafmagnsframleiðslu, allt að 100 MW, og yrði sú virkjun sennilega suður með Námafjalli, sem næst í hvarfi frá þjóðveginum. Ýmis önnur vandamál en sjónræn eru tengd slíkri virkjun, svo sem förgun affallsvatns, en því yrði sennilega að dæla öllu aftur niður í kerfið, svo að ekki bærist það í Mývatn. Ýmsum mun þykja sjónmengun að virkjuninni og háspennulínum frá henni og vart bætandi á mannvirkjamengun í Mývatnssveit.
Freysteinn Sigurðsson
