Jökulsár Skagafj. - Skatastaðir
Margvíslegar hugmyndir hafa verið uppi um virkjun Jökulsánna. Nú virðast helst tvennar vera efstar á baugi, en önnur er með tilbrigði um stef sitt. Sú virkjun er svokölluð Skatastaðavirkjun. Þá yrði Eystri-Jökulsá stífluð til miðlunar uppi í Austur-Bugum, Geldingsá líklega veitt í lónið, og vatnið tekið í göngum út Stafnsfjall og niður í Austurdal til virkjunar hjá Skatastöðum, í svokallaðri Skatastaðavirkjun. Tilbrigði eru tvö. Annað er að veita lindánum austan að Jökuldal í lónið eða jarðgöngin með stíflum í dölunum og jarðgöngum á milli þeirra. Hin er að veita Fossá á Hofsafrétt (og jafnvel Skálakvísl) til jarðganganna og taka í leiðinni lindavötnin á brún Runudals. Þessi virkjun gæti gefið um 150 200 MW afl. Mannvirki og lón yrðu ekki endilega áberandi, en undir lón færu merkar rústaflár og sögulegir staðir. Rask yrði mikið í dölunum austan Jökuldals, ef til þeirrar veitu kæmi. Talið er, að virkjunin gæti verið sæmilega hagkvæm.
Freysteinn Sigurðsson
